Bergstroom

Bergstroom

Tussen die rotse op die berg borrel die water uit,

en vorm ‘n stroom waarlangs die bergvoëls fluit.

En saam met die voëls se gesing

kom ‘n vrolike lied wat die kabbelende waters bring.

 

Klotsend vloei dit teen die berghang af;

oor die klippe

om ‘n duisend knikke

teen ‘n rustige tog wakker draf.

 

Van die water kom ‘n fluister lied

soos dit vloei oor klip, deur riet.

Dit is soete klanke wat dié stroompie maak;

musiek so reg na my smaak.


Advertisements

Somer Voëls

Somer Voëls

Somer bring die sonskyn

en met dit al die voëltjies fyn.

 

Vink sit en dink aan die hoenders se kos,

hulle eet mos nou ‘n druiwetros.

 

Tortelduif sit en rek sy grote lyf;

hy’s nou daar

en eet eers klaar

die hoenders moet maar wag.

 

Witogie sit in die buddlejabos

hy sit en kou aan sy vrugtekos.

 

Tussen die riete staan klein sysie

hy sing sy kleurvolle vrolike wysie.

 

Hoepoe staan en rek sy kuif,

voor hom staan ‘n grote duif.

 

Hadeda het hoogte vrees,

hy skree sy stem heeltemal hees.

 

Windswael moet sy perd nou saal,

voor die winter op hom neerdaal.